Njëri i vdekur, gjenden tre turistët serbë në Valbonë: Forcat nga Kosova ndihmuan në operacion

21:00 | 16 Korrik 2022
Fjolla Bajraktari

Policia e Kukësit njofton se ka gjetur tre turistët serbë të bllokuar në Valbonë, fatkeqësisht njëri prej tyre i pajetë.
Sipas bluve aktualisht po bëhet transportimi nga vendi “Maja e Grykave të Hapura” i viktimës.

Turisti serb gjeti vdekjen si pasojë e infarktit.

Nxjerrja e trupit të viktimës po bëhet me litarë e barrelë pasi terreni është shumë i vështirë dhe i thepisur.

Ndërkohë policia e Kukësit bën të ditur gjithashtu se dy turistë të tjerë që ishin bashkë me viktimën, mashkull dhe femër, janë akomoduar në Valbonë dhe nuk kanë probleme shëndetësore.

Ende nuk dihet sa turistë kanë qenë duke eksploruar këtë zonë pasi edhe komunikimi me telefon me shërbimet e policisë është i vështirë për shkak të mungesës së valëve tek vendi ku ndodhi kjo ngjarje.

Më herët, policia shqiptare bëri me dije se edhe forca të kërkim-shpëtimit nga Kosova u kishin shkuar në ndihmë./OraNews/

Shpërndaje në rrjete sociale

Lajmet më të lexuara

Të ngjashme

Foto lajm